ప్రస్తుతం టాలీవుడ్‌లో బిదిరియల్‌మన్‌ అనే ఛాలెంజ్‌ నడుస్తున్న విషయం తెల్సిందే. అర్జున్‌ రెడ్డి దర్శకుడు సందీప్‌ రెడ్డితో టాలీవుడ్‌లో ఎంటర్‌ అయిన ఈ ఛాలెంజ్‌ను రాజమౌళి మరింతగా విస్తరింపజేశాడు. ఇప్పటి వరకు ఎన్టీఆర్‌, రామ్‌ చరణ్‌, చిరంజీవి, వెంకటేష్‌లతో పాటు ఇంకా పలువురు స్టార్స్‌ మరియు దర్శకులు స్వీకరించారు. మరికొందరు రెడీగా ఉన్నారు. విజయ్‌ దేవరకొండను సైతం ఈ ఛాలెంజ్‌కు ఆహ్వానించడం జరిగింది. అయితే మహేష్‌ను మాత్రం ఎవరు కూడా ఛాలెంజ్‌ చేయడం లేదు.
దర్శకుడు కొరటాల శివ మహేష్‌కు చాలా ఆప్తుడు. ఆయన ఈ ఛాలెంజ్‌ను చేస్తాడని అనుకున్నారు. అంతకు ముందు ఎన్టీఆర్‌, చరణ్‌లలో ఎవరో ఒకరు మహేష్‌ బాబును ఈ ఛాలెంజ్‌ కోసం ట్యాగ్‌ చేస్తారని భావించారు. కాని ఎవరు కూడా మహేష్‌బాబును ట్యాగ్‌ చేయడం లేదు. ముందే ఈ విషయమై మహేష్‌ బాబును వారు సంప్రదించి ఉంటారు. అందుకు మహేష్‌ ఆసక్తి చూపించి ఉండడు. అందుకే ఆయన్ను ట్యాగ్‌ చేయడం లేదు అంటున్నారు.
ఇంటి పనులు చేయడం అంటే కొందరికి ఆసక్తి ఉండదు. చాలా మంది ఇంటి పనులు చేసినా కూడా ఆ వీడియోలను అందరితో పంచుకునేందుకు సిగ్గుపడుతూ ఉంటారు. అందుకే ఈ మహేష్‌బాబు కూడా ఈ ఛాలెంజ్‌లో భాగస్వామ్యం అయ్యేందుకు ఆసక్తి చూపడం లేదంటూ గుసగుసలు వినిపిస్తున్నాయి. అసలే మొహమాటస్తుడు అయిన మహేష్‌బాబు ఈ ఛాలెంజ్‌ చేయడని మొదటే కొందరు అన్నారు. అన్నట్లుగానే ఆయన ఈ ఛాలెంజ్‌కు దూరంగా ఉన్నాడు. ఇక ప్రభాస్‌ కూడా ఈ ఛాలెంజ్‌పై ఆసక్తి చూపుతున్నట్లుగా లేడు. వీరిద్దరికి ఎవరైనా సరదాకైనా ట్యాగ్‌ చేస్తారేమో చూడాలి. మరి అప్పుడు ఆ ఛాలెంజ్‌ను మహేష్‌ ఎలా స్వీకరిస్తాడనేది కూడా చూడాలి.
