అక్కినేని నాగ చైతన్య నటిస్తోన్న లేటెస్ట్ సినిమా థాంక్యూ. నాగ చైతన్య నటించిన లవ్ స్టోరీ ఏప్రిల్ 16న విడుదల కానున్న విషయం తెల్సిందే. అలాగే విక్రమ్ కుమార్ దర్శకత్వంలో థాంక్యూ షూటింగ్ శరవేగంగా సాగుతోంది. ఈ చిత్రంలో హీరోయిన్ ను ఇప్పటిదాకా కన్ఫర్మ్ చేయలేదు.
అయితే హీరోయిన్ విషయంలో బోలెడన్ని రూమర్లు షికార్లు చేసాయి. నభ నటేష్ తో పాటు మరికొందరు హీరోయిన్ల పేర్లు ప్రచారంలోకి వచ్చాయి కానీ అధికారిక సమాచారం మేరకు రాశి ఖన్నా ఈ సినిమాలో హీరోయిన్ గా ఎంపికైందని తెలుస్తోంది.
గతంలో వెంకీ మామలో నాగ చైతన్య సరసన హీరోయిన్ గా నటించింది రాశి. ఇటీవలే అగ్రిమెంట్ మీద కూడా సైన్ చేసినట్లు సమాచారం. థాంక్యూ చిత్రాన్ని దిల్ రాజు నిర్మిస్తున్నాడు. ఈ చిత్రంలో నాగ చైతన్య మహేష్ బాబు అభిమానిగా కనిపిస్తాడు.
