ఏప్రిల్ 22న మూడు చిన్న సినిమాలు విడుదలకు సిద్ధమయ్యాయి. సుమ కనకాల నటించిన జయమ్మ పంచాయతీ, విశ్వక్ సేన్ చేసిన ఆకాశ వనంలో అర్జున కళ్యాణం, నాగ శౌర్య కృష్ణ వ్రిందా విహారి సినిమాలు విడుదలకు సిద్ధమయ్యాయి. అయితే కేజిఎఫ్ చాప్టర్ 2 మేనియా ఉండగా చిన్న సినిమా వస్తే అది చిత్రానికి ఎంత ప్రమాదకరం అనేది ఈ నెలలోనే విడుదలైన చిన్న సినిమాలు చూపించాయి.
దాంతో ఇప్పటికే జయమ్మ పంచాయతీ, ఆకాశ వనంలో అర్జున కళ్యాణం చిత్రాలు మే మొదటి వారానికి వాయిదా పడ్డాయి. ఇప్పుడు అదే కోవలోకి కృష్ణ వ్రిందా విహారి చేరింది. ఈ చిత్రం ఏప్రిల్ 22 నుండి మే మూడో వారానికి వాయిదా పడింది. త్వరలోనే చిత్ర విడుదలను అధికారికంగా ప్రకటిస్తారు.
షేర్లే సెటియా ఈ చిత్రంలో కథానాయికగా నటించింది. అనీష్ ఆర్ కృష్ణ ఈ చిత్రాన్ని డైరెక్ట్ చేసాడు.
