Advertisement

నానీ.. ఏం చేస్తావో ఏమో మరి

Posted : August 31, 2020 at 12:02 pm IST by ManaTeluguMovies

సెప్టెంబరు 5 కోసం ఇటు ఇండస్ట్రీ జనాలు.. అటు ప్రేక్షకులు ఉత్కంఠగా ఎదురు చూస్తున్నారు. ఇంకా చెప్పాలంటే ఓటీటీ ఫ్లాట్ ఫామ్స్‌లో సైతం ఈ డేట్ ఉత్కంఠ రేపుతోంది. ఎందుకంటే ఇప్పటిదాకా బాలీవుడ్ నుంచే బడా సినిమాలు ఓటీటీల్లో నేరుగా రిలీజయ్యాయి. సౌత్‌లో అన్నీ చిన్న సినిమాలే వచ్చాయి. ఇప్పటిదాకా ‘వి’ స్థాయి సినిమా ఏదీ సౌత్‌ ఇండియాలో నేరుగా ఓటీటీలో రిలీజ్ కాలేదు.

ఈ స్థాయి సినిమా ఇక్కడ రిలీజై ఎలాంటి స్పందన రాబట్టుకుంటుంది.. ఆ సినిమాను కొన్న అమేజాన్ ప్రైమ్‌కు ఎలాంటి ఫలితాన్నందిస్తుంది.. పెట్టుబడికి తగ్గ ప్రయోజనం చేకూరుస్తుందా లేదా అన్నది ఉత్కంఠగా మారింది. ఇప్పటిదాకా ఓటీటీల్లో రిలీజైన సినిమాల మీద అవి పెట్టిన పెట్టుబడి తక్కువ. కాబట్టి వాటికి ఏ స్థాయిలో వ్యూస్ ఉన్నాయి.. కొత్తగా ఏ మేర సబ్‌స్క్రిప్షన్లు పెరిగాయన్నది పెద్ద విషయం కాదు.

కానీ ‘వి’ సినిమా అలా కాదు. దాని మీద అమేజాన్ ప్రైమ్ రూ.32 కోట్ల పెట్టుబడి పెట్టింది. ఈ సినిమాకు ఏ స్థాయిలో వ్యూస్ వస్తాయన్నది కీలకం. దాన్ని బట్టే ఆ యాప్‌కు తెలుగులో ఉన్న రీచ్ ఏంటో.. కొత్తగా ఎన్ని సబ్‌స్క్రిప్షన్లు పెరిగాయో తెలుస్తుంది. ఇప్పటిదాకా ఇలాంటి ప్రయోజనం బాలీవుడ్ సినిమాలు మాత్రమే చేకూరుస్తాయని.. వాటి మీద భారీ పెట్టుబడులు పెట్టాయి ఓటీటీలు. సౌత్ సినిమాల మీద అలాంటి నమ్మకం కుదర్లేదు. అలాగే ఇక్కడి నిర్మాతలు కూడా ఓటీటీల్లో రిలీజ్ చేసే విషయంలో వెనుకంజ వేశారు.

‘వి’ కనుక భారీగా ప్రేక్షకుల్ని ఆకర్షించి.. పెద్ద ఎత్తున వ్యూస్ తెచ్చుకుంటే, కొత్త సబ్‌స్క్రిప్షన్లను పెంచితే.. ఓటీటీలు తెలుగు సినిమాల మీద కూడా పెద్ద పెట్టుబడులు పెడతాయి. మరిన్ని సినిమాలకు మంచి డీల్స్ వస్తాయి. ఇరు వైపులా ప్రయోజనం ఉంటుంది. అలాగే థియేటర్లకు దూరమైన ప్రేక్షకులకు కూడా మంచి వినోదం అందుతుంది. మరి సెప్టెంబరు 5న నాని సినిమా ఎలాంటి స్పందన తెచ్చుకుంటుందో చూడాలి.


Advertisement

Recent Random Post:

నిన్న మూడుసార్లు.. ఇవాళ రెండుసార్లు.. | Earthquake In Turkey and Syria

Posted : February 7, 2023 at 8:47 pm IST by ManaTeluguMovies

Watch నిన్న మూడుసార్లు.. ఇవాళ రెండుసార్లు.. | Earthquake In Turkey and Syria

Advertisement
Advertisement
728x90 Ad
Advertisement
Advertisement
728x90 Ad
Advertisement