కోవిడ్ సెకండ్ వేవ్ కారణంగా దాదాపుగా అన్ని సినిమాల షూటింగ్స్ ఎక్కడివక్కడ నిలిచిపోయాయి. అయితే కొన్ని సినిమాలు మాత్రం ఇంకా కోవిద్ ను ఎదిరించి షూటింగ్స్ కొనసాగిస్తున్నాయి. వాటిలో సూపర్ స్టార్ రజినీకాంత్ హీరోగా తెరకెక్కుతోన్న అన్నాత్తే కూడా ఒకటి. ప్రస్తుతం ఈ సినిమా షూటింగ్ హైదరాబాద్ లో IKEA స్టోర్ వద్ద కొనసాగుతోంది. రజినీకాంత్ తో పాటు సినిమా కీలక కాస్ట్ అండ్ క్రూ షూటింగ్ లో పాల్గొంటున్నారు.

నయనతార ఈ చిత్రంలో హీరోయిన్ గా నటిస్తుండగా ఈరోజు సినిమా సెట్స్ లో జాయిన్ అయినట్లు తెలుస్తోంది. చెన్నై నుండి స్పెషల్ ఫ్లయిట్ లో హైదరాబాద్ చేరుకుంది నయనతార. మరికొన్ని రోజులు అన్నాత్తే షూటింగ్ IKEA స్టోర్ వద్దే జరుగుతుందిట. శిరుతై శివ ఈ సినిమాను డైరెక్ట్ చేస్తున్నాడు. సన్ పిక్చర్స్ నిర్మిస్తోన్న అన్నాత్తేను దీపావళి కానుకగా విడుదల చేద్దాం అనుకున్నారు కానీ ఇప్పుడు కచ్చితంగా వాయిదా పడే అవకాశాలు ఉన్నాయి.