యంగ్‌ హీరో నితిన్‌ ఈ ఏడాది ఆరంభంలోనే భీష్మ చిత్రంతో ప్రేక్షకుల ముందుకు వచ్చాడు. రష్మిక మందన్న హీరోయిన్‌గా నటించిన ఆ సినిమాకు వెంకీ కుడుముల దర్శకత్వం వహించాడు. ఆ సినిమా బాక్సాపీస్‌ వద్ద మంచి విజయాన్ని సొంతం చేసుకుంది. చాలా కాలం తర్వాత నితిన్‌కు ఒక సాలిడ్‌ సక్సెస్‌ దక్కింది. అదే జోరుతో తన తదుపరి చిత్రం రంగ్‌దేను జులైలో ప్రేక్షకుల ముందుకు తీసుకు వచ్చేందుకు చాలా స్పీడ్‌గా షూటింగ్‌ను నితిన్‌ చేస్తున్నాడు. ఈ సమయంలో కరోనా కారణంగా షూటింగ్‌ అర్థాంతరంగా ఆగిపోయింది.
వెంకీ అట్లూరి దర్శకత్వంలో తెరకెక్కుతున్న రంగ్‌దే చిత్రంలో హీరోయిన్‌గా కీర్తి సురేష్‌ నటిస్తున్న విషయం తెల్సిందే. ఈ లాక్‌డౌన్‌ లేకుండా ఉంటే మే రెండవ లేదా మూడవ వారంకు షూటింగ్‌ పూర్తి చేసేవారు. కాని ఇప్పుడు షూటింగ్స్‌ను వాయిద వేయాల్సిన పరిస్థితి వచ్చింది. రంగ్‌దే చిత్రంను పూర్తి చేసిన వెంటనే బాలీవుడ్‌ హిట్‌ మూవీ అంధాదున్‌ రీమేక్‌ను నితిన్‌ మొదలు పెట్టాల్సి ఉంది. ఈ సమ్మర్‌లో దాన్ని మొదలు పెట్టి డిసెంబర్‌లో విడుదల చేయాలనుకున్నాడు.
ఈ ఏడాదిలో మొత్తంగా నితిన్‌ మూడు సినిమాలతో ప్రేక్షకుల ముందుకు వచ్చేందుకు ప్లాన్‌ చేసుకున్నాడు. ఇప్పటికే భీష్మ చిత్రంతో సక్సెస్‌ అయిన నితిన్‌ రంగ్‌ దే మరియు అంధాదున్‌ చిత్రాలతో కూడా సక్సెస్‌లు కొట్టి ఒకే ఏడాదిలో మూడు హిట్‌లు కొట్టి హ్యాట్రిక్‌ సాధించి తన కెరీర్‌లో 2020ను ఒక ప్రత్యేక సంవత్సరంగా నిలుపుకోవాలని ఆశ పడ్డాడు. కాని నితిన్‌ ఆశలపై కరోనా నీళ్లు జల్లింది. ఈ ఏప్రిల్‌లో నితిన్‌ పెళ్లి చేసుకోవాలనుకున్నాడు. కాని కరోనా లాక్‌డౌన్‌ కారణంగా పెళ్లిని క్యాన్సిల్‌ చేశారు. మొత్తానికి షూటింగ్‌ మరియు పెళ్లి అన్ని విధాలుగా నితిన్‌కు నష్టం చేకూరింది.
