తమిళ స్టార్‌ హీరో విష్ణు విశాల్ పై కొట్టూరుపురం పోలీస్‌ స్టేషన్‌ లో న్యూసెన్స్ కేసు నమోదు అయ్యింది. అతడు ఉంటున్న అపార్ట్ మెంట్‌ లో మద్యరాత్రి వరకు స్నేహితులతో తాగి అల్లరి చేస్తున్నాడు. అతడి వల్ల ఇతర ప్లాట్స్ వారికి కూడా ఇబ్బంది అవుతుంది. వారు రాత్రులు చేస్తున్న పనులకు విసిగి పోయాం అంటూ అదే అపార్ట్‌మెంట్‌ లో ఉంటున్న వ్యక్తి పోలీసులకు ఫిర్యాదు చేశాడు. దాంతో పోలీసులు రంగ ప్రవేశం చేశారు. కేసు నమోదు చేసిన పోలీసులు ఎంక్వౌరీ మొదలు పెట్టారు.
విష్ణు విశాల్ మొదటి నుండి కూడా అపార్ట్ మెంట్‌ లో న్యూసెన్స్ క్రియేట్‌ చేస్తున్నాడని అది ఇప్పుడు మరింత ఎక్కువ అయ్యిందని ఫిర్యాదు ఇచ్చిన వ్యక్తి అన్నాడు. ఫిర్యాదు అందుకు పోలీసులు అతడి ఇంటికి వెళ్లగా అక్కడ కూడా గొడవ జరిగిందట. పోలీసులతో అతడు గొడవకు దిగడంతో అతడిని స్టేషన్‌ కు తీసుకు వెళ్లారట. తాను మద్యం తాగలేదు అంటూ అతడు వాదిస్తున్నాడు. పోలీసులు అతడిని అదుపులోకి తీసుకుని విచారిస్తున్నట్లుగా తమిళ మీడియా వర్గాల ద్వారా సమాచారం అందుతోంది.
