పవన్ కళ్యాణ్‌ హీరోగా రూపొందుతున్న వకీల్ సాబ్ సినిమా చిత్రీకరణ పూర్తి అయిన విషయం తెల్సిందే. ఇప్పటికే గుమ్మడి కాయ కొట్టిన సినిమా కు ఐటెం సాంగ్ యాడ్‌ చేయబోతున్నారని.. ఆ ఐటెం సాంగ్ ను జబర్దస్త్‌ యాంకర్‌ రష్మి చేయబోతున్నట్లుగా వార్తలు వస్తున్నాయి. మరో వైపు తమన్నా కూడా ఐటెం సాంగ్ చేస్తున్నట్లుగా పుకార్లు షికార్లు చేస్తున్నాయి. సినిమా కు కమర్షియల్ ఎలిమెంట్స్ అద్దే ఉద్దేశ్యంతో ఈ పాటను దిల్‌ రాజు ప్రత్యేకంగా జొప్పించే ప్రయత్నం చేస్తున్నట్లుగా గత రెండు రోజులుగా సోషల్‌ మీడియాలో పెద్ద ఎత్తున వార్తలు వస్తున్నాయి. కాని వకీల్ సాబ్ కు ఐటెం సాంగ్ స్కోపే లేదు.
బాలీవుడ్‌ హిట్‌ మూవీ పింక్ కు రీమేక్ గా రూపొందిన వకీల్ సాబ్ సినిమా ఇప్పటికే కమర్షియల్ ఎలిమెంట్స్ పేరుతో శృతి హాసన్ ను నటింపజేశారు. ఇంకా కూడా ఇప్పుడు ఐటెం సాంగ్ అని పెడితే ఖచ్చితంగా కంపు కంపు అయ్యే అవకాశం ఉంది. అంతటి సాహసం యూనిట్‌ సభ్యులు చేయరు అనేది అందరి నమ్మకం. పింక్ సినిమా అనేది పూర్తిగా మెసేజ్‌ ఓరియంటెడ్ మూవీగా ఒక ఆర్ట్‌ మూవీగా సాగుతుంది. కమర్షియల్ ఎలిమెంట్స్ అనేవి పింక్ లో కనిపించవు. కాని వకీల్ సాబ్ లో మాత్రం హీరో పాత్రకు జోడీగా శృతి హాసన్ ను నటింపజేస్తున్నారు. ఇంకా కూడా కమర్షియల్ ఎలిమెంట్స్ పేరుతో చెడగొట్టే ప్రయత్నం చేయక పోవచ్చు.
