వకీల్ సాబ్ సినిమా మరి కొన్ని గంటల్లో ప్రేక్షకుల ముందుకు వచ్చేందుకు సిద్దం అయ్యింది. భారీ అంచనాల నడుమ రూపొందిన ఈ సినిమా కోసం పవన్ కళ్యాన్ అభిమానులు ఎంతో ఆసక్తిగా ఎదురు చూస్తున్నారు. రికార్డు బ్రేకింగ్‌ వసూళ్లు ఖాయం అంటూ ఇండస్ట్రీ వర్గాల వారు చెబుతున్నారు. ఇలాంటి సమయంలో ఈ సినిమాలోని సెకండ్‌ హాఫ్‌ లో వచ్చే సర్ ప్రైజ్ ఖచ్చితంగా ప్రేక్షకులకు అతి పెద్ద సర్ ప్రైజ్ గా నిలుస్తుందనే నమ్మకంను థమన్‌ ఇటీవల చెప్పుకొచ్చాడు. దాంతో అంచనాలు మరింత ఎక్కువ అవుతున్నాయి.
ఆ సర్ ప్రైజ్ ఏమై ఉంటుందా అంటూ అంతా ఎదురు చూస్తున్న సమయంలో దర్శకుడు వేణు శ్రీరామ్‌ ఈ సినిమా లోని సెకండ్‌ హాఫ్‌ సర్ ప్రైజ్ గురించి మరీ ఎక్కువ ఊహించుకోవద్దంటూ విజ్ఞప్తి చేయడం జరిగింది. సర్ ప్రైజ్ అంటూ ప్రేక్షకులను థమన్‌ ఊరిస్తే వేణు శ్రీరామ్‌ మాత్రం దాని గురించి మరీ అతిగా ఊహించుకోవద్దంటూ విజ్ఞప్తి చేస్తున్నాడు. మొత్తానికి సెకండ్‌ హాఫ్‌ లో వచ్చే ఆ సర్ ప్రైజ్ ఏంటా అంటూ అంతా ఆసక్తిగా ఎదురు చూస్తున్నారు.
