పవన్ కళ్యాణ్ వరుసగా సినిమాలకు కమిట్ అవుతూనే ఉన్నారు. ఇటీవలే వకీల్ సాబ్‌ సినిమాతో ప్రేక్షకుల ముందుకు వచ్చిన పవన్ కళ్యాణ్ మరో వైపు రానాతో కలిసి అయ్యప్పనుమ్‌ కోషియుమ్‌ రీమేక్ లో నటిస్తున్నాడు. ఇక క్రిష్‌ దర్శకత్వంలో హరి హర వీరమల్లు సినిమాలో మరియు హరీష్‌ శంకర్‌ ఇంకా సురేందర్ రెడ్డిల దర్శకత్వంలో సినిమాలను చేయబోతున్నాడు. ఇవి కాకుండా బండ్ల గణేష్‌ నిర్మాణంలో ఒక సినిమాను కూడా చేసేందుకు కమిట్ అయ్యాడు. తాజాగా పవన్ మరో నిర్మాతకు ఓకే చెప్పినట్లుగా అధికారికంగా ప్రకటన వచ్చింది.
ప్రముఖ నిర్మాత జె పుల్లారావు తాజాగా ఇంటర్వ్యూలో మాట్లాడుతూ… పవన్ కళ్యాణ్ తో సినిమాను నిర్మించేందుకు చాలా కాలంగా వెయిట్‌ చేస్తున్నాం. ఇన్నాళ్లకు నా కల నెరవేరింది. పవన్ కళ్యాణ్ ఇప్పటికే డేట్లు ఇవ్వడం జరిగింది. ప్రస్తుతం ఆయన చేస్తున్న సినిమాలు పూర్తి అయిన తర్వాత మా బ్యానర్ లో సినిమా ఉంటుంది. ఇప్పటికే కథ కూడా సిద్దంగా ఉందని ఆయన అన్నాడు. ప్రస్తుతం రిపబ్లిక్ సినిమా షూటింగ్ ముగింపు దశలో ఉంది. ఈ సినిమాను జూన్‌ లో విడుదల చేయాలనుకున్నాం. కాని కరోనా కారణంగా వాయిదా వేయాలనుకుంటున్నట్లుగా చెప్పుకొచ్చాడు.
