అక్కినేని నాగార్జున నటించిన సోగ్గాడే చిన్ని నాయన సినిమాకు ప్రీ క్వెల్‌ గా రూపొందుతున్న బంగార్రాజు సినిమా షూటింగ్‌ త్వరలో మొదలు అవ్వబోతుందని కొందరు.. ఇప్పటికే మొదలయ్యిందని కొందరు అంటున్నారు. ఈ సమయంలోనే సినిమాకు సంబంధించిన పుకార్లు షికార్లు చేస్తున్నాయి. ఇటీవలే ఈ సినిమాలో నాగచైతన్య మరియు సమంతలు నటించబోతున్నట్లుగా వార్తలు వచ్చాయి. ఆ వార్తలు మరవక ముందే ఈ సినిమా లో ఐటెం సాంగ్ ను ఆర్‌ ఎక్స్ 100 బ్యూటీ ఆర్డీఎక్స్ బాంబ్‌ హీరోయిన్‌ పాయల్‌ రాజ్ పూత్‌ చేయబోతున్నట్లుగా చెబుతున్నారు.
ఆర్‌ ఎక్స్ 100 సినిమా తర్వాత ఇండస్ట్రీలో ఒక్కసారిగా మోస్ట్‌ వాంటెడ్ గా మారిన ఈ అమ్మడు వరుసగా సినిమాలు చేసింది. కాని అవి నిరాశ పర్చడంతో ప్రస్తుతం ఆఫర్ల కోసం వెదుక్కుంటుంది. ఐటెం సాంగ్స్ తో కూడా ప్రేక్షకులను అలరించేందుకు ముందుకు వస్తున్న ఈ అమ్మడికి ఈసారి కళ్యాణ్‌ కృష్ణ నుండి ఆఫర్‌ వచ్చిందట. ఆయన దర్శకత్వంలోనే బంగార్రాజు సినిమా రూపొందుతున్న విషయం తెల్సిందే. సినిమా షూటింగ్‌ ప్రారంభం అయ్యిందో లేదో కాని పాయల్‌ మాత్రం త్వరలోనే ఐటెం సాంగ్ చిత్రీకరణ లో పాల్గొంటుందట.
