రెబెల్ స్టార్ ప్రభాస్ ఇప్పుడు వరస సినిమాలతో ఫుల్ బిజీగా ఉంటున్నాడు. రాధే శ్యామ్ ను పూర్తి చేసిన వెంటనే ప్రభాస్ రెండు సినిమాలను పట్టాలెక్కించాడు. బాలీవుడ్ దర్శకుడు ఓం రౌత్ తెరకెక్కిస్తున్న ఆది పురుష్, అలాగే ప్రశాంత్ నీల్ దర్శకత్వంలో సలార్ సినిమాల్లో నటిస్తున్నాడు ప్రభాస్. ఇప్పటికే సలార్ గోదావరి ఖనిలో యాక్షన్ సీక్వెన్స్ ను పూర్తి చేసిన విషయం తెల్సిందే.
ప్రస్తుతం ప్రభాస్ ముంబైలో ఉన్నాడు. ఆది పురుష్ షూటింగ్ లో పాల్గొంటున్నాడు. వచ్చే నెల రెండో వారం దాకా ఆది పురుష్ కు డేట్స్ ఇచ్చాడు ప్రభాస్. అలాగే సలార్ నెక్స్ట్ షెడ్యూల్ ఏప్రిల్ 20న మొదలుకానుంది. గుజరాత్ లో మరో భారీ యాక్షన్ సీక్వెన్స్ ను చిత్రీకరించనున్నారు. కేజిఎఫ్ 2కు పనిచేసిన కీలక సాంకేతిక బృందాన్ని సలార్ చిత్రానికి కూడా రిపీట్ చేస్తున్నాడు ప్రశాంత్ నీల్.
