కేజిఎఫ్ సినిమాతో నేషనల్ వైడ్ క్రేజ్ ను సంపాదించుకున్నాడు యష్. ఈ సినిమాకు సీక్వెల్ కేజిఎఫ్ 2 సినిమా షూటింగ్ రీసెంట్ గా ముగిసింది. ఇక పోస్ట్ ప్రొడక్షన్ కార్యక్రమాలను ముగించుకుని సినిమా విడుదలకు సిద్ధమవుతోంది. సౌత్ నుండి ప్యాన్ ఇండియన్ ఇమేజ్ తెచ్చుకున్న యష్ ఇప్పుడు తన నెక్స్ట్ సినిమాలపై దృష్టి పెట్టాడు.
యష్ హీరోగా పూరి జగన్నాథ్ ఒక సినిమాను ప్లాన్ చేసినట్లు తెలుస్తోంది. విజయ్ దేవరకొండ హీరోగా పూరి జగన్నాథ్ ఒక సినిమాను తెరకెక్కిస్తున్న సంగతి తెల్సిందే. ఈ సినిమా పూర్తయ్యాక పూరి జగన్నాథ్ యష్ తో ప్యాన్ ఇండియన్ సినిమాను చేయాలనుకుంటున్నాడు.
ఈ నేపథ్యంలో ఇటీవలే యష్ ను కలిసి స్క్రిప్ట్ ను వినిపించడం, అది యష్ కు నచ్చడం చకచకా జరిగిపోయాయట. మరి ఈ ప్రాజెక్ట్ ఎంత వరకూ వర్కౌట్ అవుతుందో చూడాలి.
