అల్లు అర్జున్‌ పుష్ప సినిమా టీజర్‌ ను విడుదల చేశారు. అల్లు అర్జున్‌ పుట్టిన రోజు సందర్బంగా విడుదల అయిన ఈ టీజర్‌ కు మంచి రెస్పాన్స్‌ వచ్చింది. అల్లు అర్జున్‌ లుక్‌ మరియు సినిమాలో సుకుమార్‌ టేకింగ్‌ బ్యాక్‌ డ్రాప్‌ అంతా సూపర్‌ అంటూ ప్రశంసలు దక్కుతున్నాయి. ఇదే సమయంలో ఈ టీజర్‌ బ్యాక్‌ గ్రౌండ్‌ మ్యూజిక్ కూడా బాగుంది అంటూ టాక్‌ ను దక్కించుకుంది. ఇలాంటి సమయంలో కొందరు నెటిజన్స్‌ ఈ టీజర్‌ బ్యాక్‌ గ్రౌండ్‌ మ్యూజిక్ ను దేవిశ్రీ ప్రసాద్‌ కాపీ కొట్టాడు అంటూ విమర్శలు వ్యక్తం అవుతున్నాయి.
నెట్టింట ఒక వీడియో ప్రస్తుతం వైరల్‌ అవుతోంది. ఆ వీడియోలో బన్నీ పుష్ప టీజర్‌ బ్యాక్‌ గ్రౌండ్‌ మ్యూజిక్ మరియు అక్షయ్‌ కుమార్‌ నటించిన ‘బాబీ’ సినిమాలోని ఒక సన్నివేశం బ్యాక్‌ గ్రౌండ్‌ మ్యూజిక్ మ్యాచ్‌ చేస్తున్నట్లుగా ఉంది. రెండు బ్యాక్‌ గ్రౌండ్‌ మ్యూజిక్ లు సేమ్‌ ఉండటం వల్ల నెట్టింట పుష్పను ట్రోల్‌ చేస్తున్నారు. దేవిశ్రీ ప్రసాద్‌ కూడా థమన్‌ దారి పట్టాడా అంటూ కొందరు కామెంట్స్‌ చేస్తుంటే మరి కొందరు ఇంతటి ప్రతిష్టాత్మక సినిమాకు ఇలా కాపీ మ్యూజిక్ ను పెట్టడం ఏంటీ అంటూ విమర్శలు గుప్పించారు. ఈ ట్రోల్స్‌ పై మేకర్స్‌ ఎలా స్పందిస్తారో చూడాలి.
