ప్రభాస్ హీరోగా పూజా హెగ్డే హీరోయిన్‌ గా రాధాకృష్ణ దర్శకత్వంలో రూపొందిన రాధేశ్యామ్‌ సినిమా విడుదలకు సిద్దం అవుతుంది. ఒక్క షెడ్యూల్‌ మాత్రమే మిగిలి ఉంది. ఇక ఈ సినిమా నుండి ఒక ప్రత్యేక వీడియోను లవర్స్ డే సందర్బంగా ఫిబ్రవరి 14న విడుదల చేయబోతున్నట్లుగా చిత్ర యూనిట్‌ సభ్యులు ప్రకటించారు. ఆ వీడియో నిమిషం కంటే తక్కువే ఉంటుందట. దానిలోని డైలాగ్‌ లు అప్పుడే లీక్ అయ్యాయి. ఆ లీక్ డైలాగ్‌ లు సోషల్‌ మీడియాను కుదిపేస్తున్నాయి. ఆ వీడియోలో ప్రభాస్ మరియు పూజా హెగ్డేలు కనిపించబోతున్నారట.
పూజా హెగ్డే ఈ సినిమాలో ప్రేరణ పాత్రలో కనిపించబోతుండగా ప్రభాస్ విక్రమ్‌ ఆధిత్య పాత్రలో కనిపించనున్నాడు. విక్రమ్‌ ఆధిత్యతో ప్రేరణ… నువ్వు ఏమైనా రోమియో అనుకుంటున్నావా అంటే అందుకు సమాధానంగా విక్రమ్‌ ఆధిత్య ప్రేమ కోసం రోమియో చనిపోయాడు మనం అలా కాదు అంటాడట. ఈ సీన్‌ సినిమాలో చాలా రొమాంటిక్‌ గా ఉంటుందని అంటున్నారు. ప్రేమికుల దినోత్సవం సందర్బంగా విడుదల కాబోతున్న ఈ గ్లిమ్స్‌ అదిరి పోయే అవకాశం ఉందని అంటున్నారు.
