తమిళ హీరోయిన్‌ వరలక్ష్మి తెలుగు లో వరుసగా సినిమాలు చేస్తోంది. ఈ అమ్మడిని తెలుగు ప్రేక్షకులు హీరోయిన్‌ గా కంటే విలన్ గా ఎక్కువగా ఇష్టపడుతున్నారు. అందుకే క్రాక్ లో ఈమెను జయమ్మ గా దర్శకుడు గోపీచంద్‌ మలినేని చూపించి ఆకట్టుకున్నాడు. మరో సారి విలన్ గా వరలక్ష్మి తన సత్తా చాటింది. ఈ అమ్మడు చేసిన సినిమాల్లో ఇది హైలైట్ గా నిలిచింది అంటూ తెలుగు ప్రేక్షకులు అభిప్రాయం వ్యక్తం చేస్తున్నారు. తాజాగా ఈమె క్రాక్ సినిమా ప్రమోషన్ లో భాగంగా మాట్లాడుతూ తన సవతి తల్లి రాధిక గురించి ఆసక్తికర వ్యాఖ్యలు చేసింది.
శరత్ కుమార్ మొదటి భార్య కూతురు వరలక్ష్మి అనే విషయం తెల్సిందే. రాధికను శరత్ కుమార్ రెండవ పెళ్లి చేసుకున్నాడు. నాన్న రెండవ భార్య అయిన రాధికతో తాను స్నేహంగానే ఉంటాను అంటూ వరలక్ష్మి చెప్పుకొచ్చింది. ప్రతి విషయాన్ని నేను ఆమెతో షేర్‌ చేసుకుంటాను. ఆమె నాకు తల్లి కాకున్నా కూడా చాలా ఫ్రెండ్లీగా ఉంటుంది. మేము ఇద్దరం కూడా చాలా సరదాగా మాట్లాడుకుంటాం. అయితే నేను ఏమైనా సీక్రెట్‌ లు ఆమెకు చెప్తే తెలియకుండానే వాటిని బయటకు చెప్పేస్తుంది అంటూ సరదాగా వ్యాఖ్యలు చేసింది. సవతి తల్లితో అలా ఫ్రెండ్లీగా ఉండటం అంటే నిజంగా అభినందించాల్సిన విషయం.
