తెలుగు ప్రేక్షకులకు సుపరిచితులైన రాజీవ్ కనకాల మరియు సుమ కనకాల తనయుడు రోషన్ హీరోగా 2020 సంవత్సరం లో పరిచయం కాబోతున్నాడు అంటూ పూజా కార్యక్రమాలను నిర్వహించారు. పూజా కార్యక్రమాలకు సంబంధించిన ఫోటోలు సోషల్ మీడియాలో వైరల్ అయ్యాయి. ఆ సమయంలోనే సుమ మరియు రాజీవ్ యొక్క తనయుడు తెరంగేట్రం అంటూ సోషల్ మీడియాలో పెద్ద ఎత్తున ప్రచారం జరిగింది. ఆ తర్వాత ఏం జరిగిందో ఏమో కానీ ఆ సినిమా పట్టాలెక్కలేదు.
మళ్ళీ కొత్తగా ఇప్పుడు విరించి వర్మ దర్శకత్వంలో సుమ తనయుడు హీరోగా ఒక సినిమా తెరకెక్కబోతున్నట్లుగా ప్రచారం జరుగుతుంది. ఆ సినిమా కు ప్రశాంత్ వర్మ కథ ను అందించబోతున్నారు అని కూడా సమాచారం అందుతోంది. ప్రశాంత్ వర్మ కథలు చాలా డిఫరెంట్గా ఉంటాయని ఇప్పటికే ఆయన సినిమాలను చూస్తే అర్థమవుతుంది. ఈ మధ్య కాలంలో ప్రశాంత్ వర్మ దర్శకత్వం వహించడంతో పాటు కథలను కూడా అందిస్తున్నాడు. ఈ సినిమా కు ఆయన కథ ను అందించడం తో కచ్చితంగా మంచి పాజిటివ్ టాక్ ను దక్కించుకుంటుంది అంటూ ప్రతి ఒక్కరు నమ్మకం వ్యక్తం చేస్తున్నారు. ఈసారైనా సుమ రాజీవ్ తనయుడు రోషన్ హీరోగా ప్రేక్షకుల ముందుకు వస్తాడా అని చూడాలి.
