బాలీవుడ్ టాప్ హీరోయిన్ అలియా భట్ ఎస్ ఎస్ రాజమౌళి దర్శకత్వంలో ఆర్ఆర్ఆర్ చిత్రంలో నటిస్తోన్న విషయం తెల్సిందే. ఇందులో రామ్ చరణ్ అల్లూరి సీతారామరాజు పాత్రలో నటిస్తుండగా చరణ్ కు పెయిర్ గా సీత పాత్రలో అలియా మెరవనుంది. ఈ సినిమా కాకుండా బాలీవుడ్ లో రెండు ప్రాజెక్టులు చేస్తోంది అలియా భట్.
అయాన్ ముఖర్జీ దర్శకత్వంలో తెరకెక్కించిన బ్రహ్మాస్త్ర షూటింగ్ పార్ట్ ను పూర్తి చేసింది. అలాగే సంజయ్ లీలా భన్సాలీ దర్శకత్వంలో రూపొందుతున్న భారీ చిత్రం గంగూబాయి కతియావాడీ. ఈ సినిమా కోసం అలియా భట్ తీవ్రంగా శ్రమిస్తోందని తెలుస్తోంది.
వివరాల్లోకి వెళితే ఈ సినిమాకు సంబంధించి రెండు భారీ పాటల చిత్రీకరణ జరగాల్సి ఉంది. అయితే ఆ పాటల చిత్రీకరణకు ముందు అలియా భట్ కు రెండు వారాల బ్రేక్ ను ఇచ్చినట్టు తెలుస్తోంది. ఈ బ్రేక్ ను ఆమె సాంగ్ కు సన్నద్ధమవడం కోసం ఉపయోగించుకుంటోంది. డ్యాన్స్ ప్రాక్టీస్ సెషన్స్ లో పాల్గొంటోంది.
ఒక పాటలో అయితే దాదాపు 200 బ్యాక్ గ్రౌండ్ డ్యాన్సర్లతో చిత్రీకరిస్తారట. భారీ హంగుల మధ్య తెరకెక్కే ఈ పాటల కోసం అలియా చెమటోడుస్తోందని తెలుస్తోంది.
