బర్నింగ్‌ స్టార్‌ గా సినీ పరిశ్రమ, ప్రేక్షకుల్లో గుర్తింపు తెచ్చుకున్న హీరో సంపూర్ణేష్‌ బాబు. ఆయన హీరోగా నటిస్తున్న కొత్త సినిమా ‘పుడింగి నెంబర్‌ 1’. రామానాయుడు స్టూడియోస్‌లో నేడు పూజా కార్య‌క్ర‌మాల‌తో ఘనంగా ప్రారంభమైంది. ముహూర్త‌పు స‌న్నివేశాని‌కి నిర్మాత కేఎస్‌ రామారావు క్లాప్, దర్శకులు భీమనేని శ్రీనివాసరావు కెమెరా స్విఛాన్ చేశారు. మీరావలి గారితో రెండేళ్ల ప్రయాణం. ఆయనలో మంచి కసి ఉంది. ఈ సినిమా తప్పకుండా అందరినీ ఆకట్టుకుంటుంది. నన్ను ఆశీర్వదించిన పెద్దలకు కృతజ్ఞతలు అని హీరో సంపూర్ణేశ్ బాబు అన్నారు.
కథ అద్భుతంగా వచ్చిందని.. టైటిల్‌ పక్కాగా కుదిరిందని దర్శకుడు మీరావలి అన్నారు. హీరోగా సంపూర్ణేష్‌ బాబు ఈ సినిమాకు పర్ఫెక్ట్ అన్నారు. సినిమాలో అజయ్ ఘోష్, పోసాని, రాకెట్ రాఘవ తదితరులు నటిస్తున్నారు. శ్రీ పుణ్య‌భూమి ఎంట‌ర్‌టైన్‌మెంట్ బ్యానర్ పై నిర్మాతలు కె. శ్రీ‌నివాస రావు, కె. సుధీర్ కుమార్ ఈ సినిమా నిర్మిస్తున్నారు. సినిమాకు సంగీతం ఖుద్దుస్. వచ్చే నెల నుంచి రెగ్యులర్ షూటింగ్ జరగనుంది.
