రణరంగం తరువాత డైరక్టర్ సుధీర్ వర్మ మలి సినిమా ఇప్పటి వరకు ఏమిటన్నది తెలియలేదు. అయితే ఇప్పుడు క్లారిటీ వచ్చింది. హీరో బెల్లంకొండ శ్రీనివాస్ తో సుధీర్ వర్మ సినిమా చేయబోతున్నారు. ఈమేరకు కథ చెప్పడం, నచ్చడం, ఓకె చేయడం అయిపోయినట్లు బోగట్టా.
సుధీర్ వర్మ ఈసారి మాంచి ఇంటిలిజెంట్ థ్రిల్లర్ సబ్జెక్ట్ ను ఎంచుకున్నట్లు తెలుస్తోంది. రాక్షసుడు తరువాత మళ్లీ బెల్లంకొండ శ్రీనివాస్ చేయబోయే థ్రిల్లర్ ఇదే. అది హర్రర్ థ్రిల్లర్. ఇది ఇంటిలిజెంట్ థ్రిల్లర్. అయితే ఈ సినిమా ప్రొడక్షన్ ఎవరు ఏమిటి అన్నది ఇంకా ఫిక్స కాలేదు. ఇక్కడ ట్విస్ట్ ఏమిటంటే, ఈ కథ సుధీర్ వర్మది కాదు. శ్రీకాంత్ అనే కొత్త రచయిత మూల కథను తీసుకుని, సినిమా స్క్రిప్ట్ ను తయారుచేసుకున్నట్లు తెలుస్తోంది.
సుధీర్ వర్మ స్క్రిప్ట్ ల పరంగా ఫెయిల్ అయ్యారేమో కానీ టేకింగ్ పరంగా ఎప్పుడూ ఓకె అనిపించుకుంటున్నారు. మరి ఈసారి వేరే వాళ్ల కథతో ట్రయ్ చేస్తున్నారంటే, ఈ సమస్యను ఆయన కూడా గమనించే వుంటారనుకోవాలి.
