లాక్ డౌన్ తర్వాత వరుసగా సినిమాలు బాక్సాఫీస్ ముందుకు వస్తున్నాయి. ప్రస్తుతం ఉన్న పరిస్థితుల్లో సినిమాకు జనాలను తీసుకు రావాలంటే విపరీతమైన ప్రచారం చేయాల్సిన అవసరం ఉంది. ప్రచారం చేయకుండా స్టార్ డం తో క్రేజ్ తో సినిమాకు ప్రేక్షకులు వస్తారనుకుంటే తప్పులో కాలు వేసినట్లే. వకీల్ సాబ్ టీమ్ ఈ తప్పును చేయకూడదనే అభిమానులు కోరుకుంటున్నారు. పవన్‌ సినిమా అంటే జనాలు ఎగేసుకుని వస్తారని మేకర్స్‌ ఆలోచనలో ఉన్నట్లుగా అనిపిస్తుంది. అందుకే సినిమా ప్రమోషన్ విషయంలో మరీ డల్‌ గా కనిపిస్తున్నారు.
వకీల్ సాబ్ సినిమా ఏప్రిల్‌ 9వ తారీకున రాబోతున్న విషయం తెల్సిందే. సినిమా విడుదల తేదీ దగ్గర పడుతున్నా కూడా ఇప్పటి వరకు సినిమా ప్రమోషన్ విషయంలో క్లారిటీ ఇవ్వడం లేదు. దిల్ రాజు ఈ సినిమా ప్రమోషన్ కార్యక్రమాలు పూర్తి స్థాయిలో మొదలు పెట్టిన దాఖలాలు కనిపించడం లేదు. సినిమా విడుదలకు వారం లేదా రెండు వారాల ముందు ప్రమోషన్ చేస్తామంటే ఇప్పుడున్న పరిస్థితుల్లో కుదరదు. ఇప్పటి నుండే సందడి చేస్తే తప్ప జనాల్లోకి సినిమా వెళ్లదు. అది పవన్‌ కళ్యాణ్ సినిమా అయినా సరే ప్రమోషన్ తప్పనిసరి. ఇలా ప్రమోషన్ లేకుండా విడుదల అయితే కష్టం అన్నట్లుగా ఇండస్ట్రీ వర్గాల వారు మరియు విశ్లేషకులు అబిప్రాయం వ్యక్తం చేస్తున్నారు.
