మెగా హీరో వరుణ్ తేజ్ తన కెరీర్ ను జాగ్రత్తగా ప్లాన్ చేసుకుంటున్నాడు. మరో రెండు రోజుల్లో వరుణ్ బాక్సర్ గా నటించిన గని విడుదలకు సిద్ధంగా ఉంది. కిరణ్ కొర్రపాటి ఈ చిత్రానికి దర్శకుడు. దీని తర్వాత వరుణ్ తేజ్, వెంకటేష్ తో కలిసి చేసిన ఎఫ్ 3 విడుదల కూడా ఉంటుంది. ఇప్పటికే షూటింగ్ ను పూర్తి చేసుకుంది.
ఇక రీసెంట్ గా ప్రవీణ్ సత్తారు దర్శకత్వంలో ఒక చిత్రాన్ని లాంచ్ చేసిన విషయం తెల్సిందే. అతి త్వరలోనే ఈ సినిమా షూటింగ్ మొదలవుతుంది. వీటి తర్వాత వరుణ్ తేజ్ ప్యాన్ ఇండియా సినిమాకు ఫిక్స్ అయ్యాడు.
సోనీ పిక్చర్స్ ఈ చిత్రాన్ని నిర్మిస్తుంది. ఈ చిత్రంలో వరుణ్ తేజ్ ఎయిర్ ఫోర్స్ పైలట్ గా కనిపిస్తాడట. తెలుగు, హిందీలో నిర్మించే ఈ చిత్రం మరిన్ని ప్రధాన భాషల్లోకి డబ్ కానుంది. దసరా తర్వాత ఈ చిత్రాన్ని లాంచ్ చేసే అవకాశాలు ఉన్నాయి.
