వరుస ప్లాప్స్ తో సతమతమవుతున్న రౌడీ బాయ్ విజయ్‌ దేవరకొండ ప్రస్తుతం పూరి జగన్నాధ్‌ దర్శకత్వంలో చేస్తున్న సినిమా ఫైటర్‌ తో తిరిగి పాన్ ఇండియా రేంజ్ లో హిట్ అందుకోవాలని చూస్తున్నారు. పూరి కూడా ఇస్మార్ట్ శంకర్ తో హిట్ కొట్టి ఫామ్ లో ఉండడం వలన పాన్ ఇండియా ఫిలింగా రూపొందిస్తున్న ఈ సినిమాని 5 భాషల్లో రిలీజ్ చేయనున్నారు. సూపర్ స్పీడ్ గా సినిమాలు చేయగల పూరి జగన్నాధ్ లాక్ డౌన్ టైంకి దాదాపు ఈ సినిమా షూటింగ్ ని 50% ఫినిష్ చేసాడు.

ఈ సినిమాని పాన్ ఇండియా లెవల్లో చేయాలనుకున్నప్పటి నుంచి పాన్ ఇండియా స్థాయిలో గుర్తింపు ఉన్న నటీనటులే ఇందులో పార్ట్ అవుతూ వస్తున్నారు. హీరోయిన్ గా అనన్య పాండే, విజయ్ మదర్ గా రమ్యకృష్ణ కనిపించనున్నారు. తాజాగా మరో బాలీవుడ్ యాక్టర్ ఈ సినిమాలో పార్టీ అయ్యాడు. అతనే అలనాటి హీరో సునీల్ శెట్టి. తాజా సమాచారం ప్రకారం సునీల్ శెట్టి విజయ్ దేవరకొండ కి ఫాదర్ గా కనిపించనున్నాడు.

ఫ్లాష్ బ్యాక్ ఎపిసోడ్స్ లో మాత్రమే కనిపించే సునీల్ శెట్టి స్క్రీన్ స్పేస్ కాస్త తక్కువ గానే ఉంటుందట. అది కూడా ఓ గ్యాంగ్స్టర్ పాత్రలో కనిపించనున్నాడని సమాచారం. అందుకే పూర్ పాత్ర చిన్నదైనా స్పెషల్ గా ఉండేలా మేకింగ్ ని ప్లాన్ చేశారట. నవంబర్ నుంచి ఈ సినిమా షెడ్యూల్ ని కూడా మొదలు పెట్టె ఆలోచనలో టీం ఉంది. ఈ సినిమాని పూరి కనెక్ట్స్ మరియు కరణ్ జోహార్ కలిసి నిర్మిస్తున్నారు.