రామ్‌ చరణ్‌ తో రంగస్థలం చిత్రాన్ని తెరకెక్కించిన దర్శకుడు సుకుమార్‌ భారీ విజయాన్ని దక్కించుకున్న విషయం తెల్సిందే. రంగస్థలం చిత్రం తర్వాత వెంటనే మహేష్‌బాబుతో సినిమా చేయాలనుకున్నా ఆయన హ్యాండ్‌ ఇచ్చాడు. అదే కథను పట్టుకుని బన్నీ వద్దకు వచ్చిన సుకుమార్‌ ప్రస్తుతం సినిమాను చేస్తున్నాడు. ఈ చిత్రంలో బన్నీ రెడ్‌ సాండిల్‌ స్మగ్లర్‌గా కనిపించబోతున్నట్లుగా తెలుస్తోంది. రంగస్థలం చిత్రంలో చరణ్‌ కనిపించినట్లుగా బన్నీ కూడా మాస్‌ లుక్‌లో కనిపించబోతున్నాడు.
రంగస్థలం చిత్రంకు సంగీతం అందించిన దేవిశ్రీ ప్రసాద్‌ ఈ సినిమాకు సంగీతాన్ని అందిస్తున్నాడు. ఇక రంగస్థలంలో విలన్‌గా నటించిన జగపతిబాబు ఈ సినిమాలో నటించబోన్నాడట. అల్లు అర్జున్‌ సినిమాలో మొదటి సారి జగపతిబాబు నటించబోతున్నాడు. ప్రస్తుతం యంగ్‌ స్టార్‌ హీరోల సినిమాల్లో నటించేసిన జగపతిబాబు ఈసారి బన్నీతో నటించబోతున్నాడు. జగపతిబాబు మరోసారి పల్లెటూరుకు చెందిన ఒక ఆసామి పాత్రలో కనిపిస్తాడని తెలుస్తోంది.
ఈ చిత్రంలో కీలక పాత్రను తమిళ నటుడు విజయ్‌ సేతుపతి చేయబోతున్నట్లుగా సమాచారం అందుతోంది. విజయ్‌ సేతుపతి ఇప్పటికే తెలుగులో పలు చిత్రాల్లో నటించి మెప్పించాడు. కనుక ఈ చిత్రంలో కూడా తప్పకుండా ఆకట్టుకుంటాడనే నమ్మకంను అంతా వ్యక్తం చేస్తున్నారు. రష్మిక మందన్న ఈ చిత్రంలో హీరోయిన్‌గా నటించబోతున్నట్లుగా తెలుస్తోంది. ఇక ఈ చిత్రం తదుపరి షెడ్యూల్‌ను త్వరలో మొదలు పెట్టబోతున్నట్లుగా తెలుస్తోంది.
