విజయవంతమైన చిత్రాల దర్శకుడు మారుతి ప్రస్తుతం గోపీచంద్, రాశి ఖన్నాలతో పక్కా కమర్షియల్ అనే చిత్రం చేస్తున్నాడు. ఈ సినిమాకు ప్రస్తుతం కరోనా సెకండ్ వేవ్ కారణంగా బ్రేకు పడింది. అయితే ఈలోగా మారుతి ఒక వెబ్ సిరీస్ ను ప్లాన్ చేసాడు.
ఇటీవలే ఏక్ మినీ కథ చిత్రంతో సక్సెస్ ను అందుకున్న సంతోష్ శోభన్ హీరోగా మెహ్రీన్ కథానాయికగా ఈ వెబ్ సిరీస్ ను ప్లాన్ చేసాడు. చాలా తక్కువ మంది క్రూతో కేవలం 40 రోజుల్లో షూటింగ్ పూర్తయ్యేలా మారుతి అనుకున్నాడు.
త్వరలోనే ఈ వెబ్ సిరీస్ షూటింగ్ మొదలవుతుంది. దీనికి మంచి రోజులొచ్చాయి అనే టైటిల్ ను కూడా ఫిక్స్ చేసినట్లు సమాచారం. అయితే ఈ వెబ్ సిరీస్ ను ఏ ఓటిటి ప్లాట్ ఫామ్ లో విడుదల చేయనున్నారో ఇంకా క్లారిటీ లేదు.
