బాలీవుడ్ ఫైర్ బ్రాండ్ కంగనా రనౌత్ కు ముంబై హైకోర్టు భారీ షాకిచ్చింది. బాలీవుడ్ నటుడు సుశాంత్ సింగ్ రాజ్ పుత్ మరణం తర్వాత కంగనా రనౌత్ తీవ్రంగా స్పందించిన విషయం తెల్సిందే. జావేద్ అక్తర్ నాయకత్వంలో బాలీవుడ్ లో ఓ కోటరీ ఉంది. వారి కారణంగానే ఇలాంటి ఘటనలు చోటు చేసుకుంటున్నాయని ఆమె ఆరోపించింది.
దీనిపై జావేద్ తీవ్ర స్థాయిలో స్పందించారు. ఈ విషయంపై తాను కోర్టులోనే తేల్చుకుంటానని అప్పట్లోనే ఆయన స్పందించారు. తర్వాత అంధేరి కోర్టులో ఆయన పరువు నష్టం దావా వేశారు. ఈ నేపథ్యంలో మార్చ్ 1వ తేదీన కోర్టులో హాజరుకావాలని సమన్లు జారీ చేసింది.
అయితే ఈ సమన్లపై కంగనా రనౌత్ స్పందించకపోవడంతో బాంద్రా కోర్టు తీవ్రంగా స్పందించింది. మార్చ్ 1న కోర్టుకు హాజరుకాకపోవడంతో కంగనాకు నాన్ బెయిలబుల్ వారెంట్లు జారీ చేయాలని ఆదేశించింది. తదుపరి ఈ కేసు విచారణ మార్చ్ 26వ తేదికి కోర్టు చేపట్టనున్నారు.
