న్యాచురల్ స్టార్ నాని హిట్స్, ప్లాప్స్ తో సంబంధం లేకుండా వరసగా సినిమాలు చేసుకుంటూ వెళ్తుంటాడు. కరోనా కారణంగా నాని సినిమాల రిలీజ్ లలో తేడా వచ్చింది కానీ లేదంటే ఏడాదికి 2 లేదా 3 చిత్రాలు కచ్చితంగా అందిస్తాడు నాని. ఇటీవలే డైరెక్ట్ ఓటిటిలో నాని నటించిన టక్ జగదీష్ విడుదలైన విషయం తెల్సిందే.
అలాగే నాని అంటే సుందరానికి షూట్ ను దాదాపు పూర్తి చేసేసాడు. వివేక్ ఆత్రేయ ఈ సినిమాకు దర్శకుడు. ఇక దసరా సందర్భంగా నాని తర్వాతి చిత్రానికి సంబంధించిన అప్డేట్ కూడా వచ్చింది. శ్రీకాంత్ ఓదెల దర్శకుడిగా పరిచయమవుతున్న ఈ సినిమాకు దసరా అనే టైటిల్ ఫిక్స్ చేసారు. హీరోయిన్ గా కీర్తి సురేష్ పేరుని కన్ఫర్మ్ చేసారు.
అయితే రీసెంట్ గా ఈ విషయంలో రూమర్స్ వచ్చాయి. కీర్తి సురేష్ స్థానంలో సమంతను తీసుకున్నారని వార్తలు షికార్లు చేసాయి. అయితే ఇవి ఒట్టి పుకార్లేనని సమాచారం. సమంతను అసలు కన్సిడర్ చేయలేదట. కీర్తి సురేష్ అగ్రిమెంట్ సైన్ చేయడమే కాకుండా అడ్వాన్స్ కూడా పుచ్చుకుందిట.
