సూపర్‌ స్టార్‌ మహేష్‌ బాబు 27వ చిత్రం గురించి ఇప్పటి వరకు ఎలాంటి అధికారిక ప్రకటన రాలేదు. వంశీ పైడిపల్లి దర్శకత్వంలో అన్నారు. కాని వంశీ రెడీ చేసిన కథ తనకు సూట్‌ అవ్వదనే ఉద్దేశ్యంతో ఆ ప్రాజెక్ట్‌ ను పక్కకు పెట్టాడు మహేష్‌ బాబు. తదుపరి చిత్రాన్ని పరశురామ్‌ దర్శకత్వంలో చేయబోతున్నట్లుగా వార్తలు అయితే జోరుగా వస్తున్నాయి. కాని ఇప్పటి వరకు అధికారికంగా క్లారిటీ ఇవ్వలేదు. పరశురామ్‌ ఇటీవల ఒక ఇంటర్వ్యూలో మాట్లాడుతూ తన డ్రీమ్‌ నిజం కాబోతుంది అంటూ వ్యాఖ్యలు చేశాడు. కనుక మహేష్‌ తో సినిమా కన్ఫర్మ్‌ అయినట్లే అంటున్నారు.
అధికారిక ప్రకటన రాకున్నా కూడా మహేష్‌ బాబు, పరశురామ్‌ల కాంబో మూవీ కన్ఫర్మ్‌ అయ్యింది. ఇక ఆ సినిమా గురించి కథ గురించి మీడియాలో రకరకాలుగా పుకార్లు షికార్లు చేస్తున్నాయి. తాజాగా మరో ఇంట్రెస్టింగ్‌ పుకారు ఒకటి వైరల్‌ అవుతోంది. ఈ చిత్రంలో మహేష్‌కు జోడీగా మలయాళి ముద్దుగన్‌ బ్యూటీ ప్రియా ప్రకాష్‌ను ఎంపిక చేశారంటూ వార్తలు వస్తున్నాయి. ఈమె మొదటి సినిమా ఒరు ఆదార్‌ లవ్‌ చిత్రం నిరాశ పర్చడంతో సినిమాలకు కమిట్‌ అయ్యే విషయంలో ఆచితూచి వ్యవహరిస్తోంది.
తాజాగా ఈ అమ్మడుని మహేష్‌ సినిమా కోసం మేకర్స్‌ సంప్రదించారని వెంటనే ఒప్పేసుకుందని సమాచారం. అతి త్వరలోనే ఈ విషయాన్ని అధికారికంగా ప్రకటించే అవకాశం ఉందంటున్నారు. మహేష్‌ బాబుకు జోడీగా ప్రియా ప్రకాష్‌ చక్కగా సెట్‌ అవుతుందని ఫ్యాన్స్‌ కూడా చాలా నమ్మకంగా ఉన్నారు. అయితే ఇద్దరి మద్య మాత్రం వయసు తేడా ఎక్కువగా ఉంటుందేమో అంటూ కొందరు అనుమానాలు వ్యక్తం చేస్తున్నారు. తెలుగు సినిమా ఇండస్ట్రీలో 30 ఏళ్ల వయసు తేడాతో కూడా హీరో హీరోయిన్స్‌ నటించిన దాఖలాలు చాలా ఉన్నాయి. మహేష్‌, ప్రియా ప్రకాష్‌ల మద్య వయసు తేడా పెద్ద తేడానే కాదు అంటూ మరికొందరు వ్యాఖ్యలు చేస్తున్నారు.
