టాలీవుడ్‌ జక్కన్న రాజమౌళి ప్రస్తుతం చేస్తున్న ఆర్‌ఆర్‌ఆర్‌ సినిమా తర్వాత చేయబోతున్న సినిమా ఏంటీ అంటే అంతా కూడా ఠక్కున చెబుతున్నది మహేష్ బాబుతో సినిమా అని.. అయితే ఇంకా కూడా కొందరు వీరిద్దరి కాంబో మూవీ నిజంగా తెరపై చూడగలమా అంటూ అనుమానాలు వ్యక్తం చేస్తున్నారు. ఆ అనుమానాలను పటాపంచలు చేస్తూ రచయిత విజయేంద్ర ప్రసాద్‌ ఫుల్‌ క్లారిటీ ఇచ్చాడు. రాజమౌళి తదుపరి సినిమా ఖచ్చితంగా మహేష్ బాబుతో అంటూ కొన్ని ఎక్స్‌క్లూజివ్‌ విషయాలను ప్రముఖ మీడియా తో పంచుకున్నాడు.
రాజమౌళి తండ్రి అయిన విజయేంద్ర ప్రసాద్‌ ఇండియాస్‌ నెం.1 స్టోరీ రైటర్‌. ఆయన కొడుకు రాజమౌళి అన్ని సినిమాలకు కథ అందించింది కూడా విజయేంద్ర ప్రసాద్‌ అనే విషయం తెల్సిందే. అందుకే విజయేంద్ర ప్రసాద్‌ ఇప్పుడు మహేష్ బాబు మూవీ కోసం కథను సిద్దం చేస్తున్నాడు. ఇప్పటికే స్టోరీ లైన్‌ సిద్దం అయ్యిందట. విశ్వసనీయంగా అందుతున్న సమాచారం ప్రకారం ఆఫ్రికన్‌ ఫారెస్ట్‌ నేపథ్యంలో ఈ సినిమా ఉంటుందని అంటున్నారు. భారీ బడ్జెట్‌ తో గతంలో ఎప్పుడు చూడని విధంగా ఫారెస్ట్‌ అడ్వెంచర్‌ సన్నివేశాలు మహేష్ బాబు తో రాజమౌళి చేయబోతున్నట్లుగా తెలుస్తోంది.
